Genro estas socikultura prezentado de la sekso

S-ano Roman Mutin de Ruslando havas diversajn talentojn. Li estas belaspekta. Li babilas en la Rusa, Angla, Germana kaj Islanda lingvoj kaj en Esperanto. Li uzas Linuksan operaciumon. Li ŝakludas. … sed li ankaŭ asertis je la 8a de Marto 2021, Internacia Tago de la Virinoj, jenan:

Roman Mutin je la 8a de Marto 2021 per Twitter

Ĉu li pravas? Ĉu aŭ li nur papagas la opinion de feministoj, maldekstruloj, verduloj kaj aliaj ismuloj? Eblas, ke mi trodormis koncernan evoluon. Sed mi konjektas, ke la juna samideano eraras. Permesu, ke mi citas el kelkaj vortaroj kaj gramatiko:

»genro. 1 (G) Seksa karaktero de substantivo aŭ pronomo: vira, ina, neŭtra ~o; la gramatika ~o ne ekzistas en esp-o. 2 Grupo da zoologiaj aŭ botanikaj specoj, kiuj prezentas komunajn karakterojn; specaro, gento, grupo.« (el Plena Vortaro de Esperanto, de Prof E. Grosjean-Maupin, SAT 1934/ 1980)

»Genro A. – Gramatika genro ne ekzistas en Esp-o.« (el Plena Analiza Gramatiko de Esperanto, de Kalocsay k Waringhien, UEA 1985, § 32)

»genr|o 1. (Tier- oder Pflanzen) Gattung f; 2. Gramm Geschlecht (el Kompaktwörterbuch Esperanto, de Erich-Dieter Krause, Verlag Enzyklopädie 1967/ 1971, Langenscheid 1995)

»genr|o 1. Gramm Genus n, Geschlecht n, substantiva ~o grammatisches Geschlecht n [von Hauptwörtern] im Esp nicht vorhanden, verba ~o Genus verbi 2. Bot, Zool Gattung f, animala ~o Tiergattung (el Großes Wörterbuch Esperanto – Deutsch, de Erich-Dieter Krause, Helmut Buske Verlag 1999)

»genr/o 1 Unu el la diversnombraj gramatikaj kategorioj, inter kiujn multaj lingvoj dispartigas la subst-ojn k pron-ojn (kun akordaj konsekvencoj por la ad-oj k verboj): vira, ina, neŭtra ~o (en hindeŭropaj lingvoj); ~o ne ekzistas en E. 2 Sistematika unuo (genus), konsistanta el natura grupo de parencaj specoj, subdivido de familio.« (el Plena Ilustrita Vortaro de Esperanto 2005, SAT 2005)

»genr/o 1 Gramatika kategorio (precipe ĉe substantivoj kaj pronomoj, sed ankaŭ ĉe aliaj vortspecoj), kiu almenaŭ historie iel rilatas al la sekso de estaĵoj aŭ al distingo inter uloj kaj aĵoj: vira genro; ina genro; neŭtra genro. 2 Subgrupo de zoologia aŭ botanika familio.« (el Naŭa Oficiala Aldono al la Universala Vortaro, de Akademio de Esperanto 2007 [ĉi tie])

»genr-o Gattung f, Genus n, Geschlecht n (Grammatik)« (el Kleines Wörterbuch Deutsch – Esperanto | Esperanto – Deutsch, de Ulrich Matthias k Dietrich M. Weidmann, marixverlag GmbH 2008)

En Germanujo, ekzemple, regas homoj kun simila konvinkiĝo kiel s-ano Mutin. Eldonejoj eĉ de vortaroj, gazetoj, ĵurnaloj, ŝtataj kaj duon-ŝtataj sendostacioj de radio kaj televido, lernejoj, administracioj, ministerioj ktp obeas ties postulojn apliku »genro-justecan« lingvon. Kontraŭ la plimulto de la loĝantoj en Germanujo! Politikistoj, instruistoj kaj ĵurnalistoj devigas la civitanojn kaj altrudas sian ismon al la Germana lingvo.

Mi ĝenerale pretas akcepti alian opinion. Sed mi akre rifuzas, ke oni pisu sur la Fundamenton de Esperanto. Kiu ne respektas nian laŭ-fundamentan Esperanton, tiu kreu alian, »genro-justecan« lingvon! Sen altrudi sian opinion al la tuta esperantistaro.

3 komentoj

  1. Mi aŭdis la nomon Roman Mutin, tamen ne memoras, ke li ion gravan farus en/por Esperanto.
    Genro estas nur gramatika termino por eventoj en kelkaj lingvoj – sed ne en E-o.
    Levita lastatempe bruo pri kvazaŭ multaj ekzistantaj (pli ĝuste: ekzistuntaj) “genroj” de homoj evidente celas turni atenton de popoloj for de pli gravaj sociaj, ekonomiaj kaj ekologiaj problemoj.

    Ŝato

    • S-ano Roman Mutin publikigas per Esperanto inter alie en Facebook k Twitter. Li estas ja inteligenta juna viro (kelkaj lingvoj, Linukso) kaj entuziasma koncerne la Internacian Lingvon. (Ke li estas ankaŭ belaspekta viro estu nur kroma komento.) Sed li estas evidente ankaŭ disĉiplo de la okcidento (Eŭropa Unio, NATO), Alexei Anatoljewitsch Nawalny kaj la moderna okcidenta junularo. Kaj ties konvinkiĝoj! Li estas (laŭ mia opinio) reprezentanto de junularo, kiuj agas freneze anstataŭ pripensi demandojn kiel pri malsato, milito k mizero kaj batali por koncernaj solvoj.

      Cetere, mi estis sendinta la artikolojn rekte al li, sed li neniam respondis al mi.

      Ŝato

  2. Temas pri vere polemika afero. Lauxlibre genro ne ekzistas ne alie ol biologia apero kaj gramatike en kelkaj lingvoj. Tamen kiam tutaj sxtataj kaj kulturaj institucioj uzas la vorton kiel sociokulturan prezenton, tiam la fenomeno ja ekzistas (se ankaux nur kiel prezento). Bedauxrinde ecx en Esperantujo tiu uzado jam okazas.

    Liked by 1 persono

Respondi

Entajpu viajn informojn sube aŭ alklaku piktogramon por ensaluti:

WordPress.com Logo

Vi komentas per via konto de WordPress.com. Elsaluti /  Ŝanĝi )

Google photo

Vi komentas per via konto de Google. Elsaluti /  Ŝanĝi )

Twitter picture

Vi komentas per via konto de Twitter. Elsaluti /  Ŝanĝi )

Facebook photo

Vi komentas per via konto de Facebook. Elsaluti /  Ŝanĝi )

Connecting to %s