Judaj lernantoj denove devas fuĝi el Germanujo

Por ke la mondo ekkonu: Komencas denove en Germanujo! Judaj lernantoj suferas pro antisemitismo … nun fare de mahometanoj. Kaj denove: Germanaj politikistoj silentas.

Advertisements

Mi hontas el profunda koro, ĉar Judaj lernantoj en Berlino – denove – suferas pro eĉ kreskanta kontraŭ-judismo. 76 jaroj post la konferenco apud Wannsee. Sed tute indignigas min la indiferenteco, la provo silentigi tion fare de la Berlina urba registaro. Estu avertate la judaro de la mondo: Berlinaj politikistoj perfidas la Judojn ĉi tie kaj mensogas al la Judoj ekster Germanujo!


Ĉu vi estas Israela Judo? Ĉu vi havus iom da libera loko por Judaj rifuĝontoj el Germanujo? Ĉu vi konjektas, ke mi ŝercas? Mi preferus ŝerci, sed la perforta antisemitismo (kontraŭ-judismo) fare de mahometanoj en Germanujo estas amara fakto.

Ĉu vi legis en gazetoj pri la ĵuroj fare de Germanaj politikistoj, ke ili protektus la judaron en Germanujo? Ĉu vi vidis en la televido la pompajn Germanajn memorfestojn por la Judaj viktimoj pro la Germana nacia socialismo? Ĉu vi aŭdis, ke la (regantaj) Germanoj estus lernintaj el la historio? Ĉiu trompado! La faktoj estas aliaj. Continue reading “Judaj lernantoj denove devas fuĝi el Germanujo”

Ĝemeloj: brunaj kaj ruĝaj faŝistoj

Poemo de la Bolivia-Svisa verkisto Eugen GOMRINGER pri floroj, virinoj kaj admiranto de ambaŭ estas legebla sur la suda muro de la altlernejo Alice Salomon en Berlino. Ekde 2011. Sed la reprezentantaro de la studentoj nun asertas, ke la poemo estus kontraŭ-virina. Ĝi postulas sur-pentri la muron.

forbruligo de libroj en Germanujo 1933
forbruligo de libroj en Germanujo 1933

Faŝistoj de Germana Studentaro ne-igis en 1933 librojn de malamataj Germanaj verkistoj Erich KÄSTNER, Oskar Maria GRAF kaj Bertolt BRECHT. Max LIEBERMAN, pentristo, komentariis tiun barbaraĵon kun la vortoj: »Mi ne povas tiom multe manĝegi, kiom multe mi volas vomaĉi.« Hodiaŭaj faŝistoj – studentoj de Berlina altlernejo – celas ne-igi poemon publike videblan sur muro de sia lernejo.


Richard VON-WEIZSÄCKER, iama Federacia Prezidanto de Germanujo, diris je la 28a de Junio 1990 antaŭ armeanoj: »Historio ne ripetiĝas« Pro kelkaj novaĵoj mi dubas, ke li pravis. Continue reading “Ĝemeloj: brunaj kaj ruĝaj faŝistoj”

Ĉu honesta kaj sincera – aŭ ne?

Niaj maldekstruloj preferas propagandi kontraŭ la dekstra partio AfD anstataŭ helpi al la kelkmiloj da senhejmuloj en Germanujo respektive al la multaj infanoj, kiuj devas iri en la lernejon sen antaŭe matenmanĝi.

2-format43Kelkfoje mi hontas pri la fakto, ke mi estis tiam pli-malpli maldekstrulo. Kial mi hontas? Pro la hodiaŭaj tiel-nomataj maldekstruloj en Germanujo, kiuj estas ofte vere ruĝaj faŝistoj. Iliaj metodoj estas similaj pli kaj pli al tiuj de la sturmaj taĉmentoj (Germane Sturmabteilung – SA) de la faŝisma partio NSDAP tiam.

La Komunista Partio de Germanujo (KPD) estis batalanta en la 1920-aj kaj 1930-aj jaroj plie kontraŭ la socialdemokratoj, kiujn ili nomis socialfaŝistoj, ol kontraŭ la veraj faŝistoj, do kontraŭ NSDAP. Sekve ankaŭ ili kulpas pri la progresado de la faŝismo en Germanujo tiam. Continue reading “Ĉu honesta kaj sincera – aŭ ne?”

Dialogo kun La Maldekstruloj, Berlino

Sendube, La Maldekstruloj havas interesajn ideojn. Sendube, la antaŭuloj de la nuna urba registaro postlasis multajn problemojn; sed unu el la antaŭuloj estis la nuna koalicio-partnero sociala-demokrata.

Die Linke BerlinJe la 19a de Marto 2017 mi postulis deklaron de la Berlina Maldekstra (germane Die Linke, partio) pri la fakto, ke la Reganta Urbestro, s-ro Michael MÜLLER, estis partopreninta manifestacion planitan kaj organizitan fare de antisemitoj respektive islama asocio sub la observado de sekreta servo.

Je la fino de miaj akuzantaj linioj mi postulis krome, ke La Maldekstra zorgu pri la senhejmuloj en Berlino pli multe ol decidi malfermi necesejojn por tria sekso (inter viro kaj virino) en ĉiuj ŝtataj instancoj.

Respondo de La Maldekstra, Berlino:

»Saluton, ni zorgas nature ankaŭ pri senhejmuloj kaj pligrandigis ekzemple la helpon pro malvarmo. Krome s-ino Senatano de Socialaj Aferoj, Elke BREITENBACH, planas nove aranĝi la helpon por senhejmuloj.«

… sed pri la ebla emo de la Reganta Urbestro al antisemitismo: eĉ ne unu vorto. Continue reading “Dialogo kun La Maldekstruloj, Berlino”

Mi Berlin-ano sentas honton pro vi!

Ĉu viaj animoj estas tiel koroditaj pro la malamo kontraŭ Ruslando laŭ la deziro de NATO?

Letero al la estraroj de

  • Bündnis’90/ Die Grünen, Berlino (verduloj)
  • Die Linke, Berlino (maldekstruloj)
  • SPD – Sozialdemokratische Partei Deutschlands, Berlino (social’-demokratoj)

Gesinjoroj,

mi Berlin-ano sentas honton, honton kaj teruron pro via hontega kaj sen-respekta konduto kontraŭ la viktimoj de la atenco en Peterburgo en Ruslando, en ties sekvo devis ĝis nun morti 14 homoj.

Estas malgajiga praktikado nun, ke Brandenburga Pordego (germane Brandenburger Tor) en la mezo de nia urbo nokte brilas en la koloroj de tiu lando, en kiu okazis la plej aktuala terura atenco, por respekti la viktimojn. La registaro de Berlino, kiun vi kune portas, diras nun, ke tio ne okazos koncerne la viktimojn de Peterburgo: ĉar Peterburgo ne estas ĝemela urbo al Berlino. Sed ankaŭ la urboj Nizza, Jerusalemo kaj Orlando ne estas ĝemelaj urboj al Berlino kaj tamen Brandenburga Pordego brilis nokte en la koncernaj koloroj. Continue reading “Mi Berlin-ano sentas honton pro vi!”

Tute-alia Maldekstrulo

10981395_1581964665377255_1023277830046967511_nHieraŭ mi renkontis eksterordinaran tute-alian maldekstrulon. Juna viro nomita Ronaldo, membro de unu el la asocioj kontraŭ faŝistoj, Germane mallonge Antifa. Ankaŭ li partoprenas en manifestacioj, sed anstataŭ kaŝe ataki dekstrulojn kaj partio-oficejojn li subtenas persone virinojn vivantajn solaj kontraŭ ŝtataj instancoj, ludonantoj ktp. Laŭ mia opinio la pli bona maldekstra politiko!

Ronaldo havas propran opinion; li pensas mem. Parte tre alian ol la mia. Kiam mi kontraŭ-diris al li, li trankvile aŭskultis min, pripensis miajn vortojn, kaj li akceptis ne nur unufoje mian starpunkton almenaŭ parte. Fakte lia maniero frapis min.

Post longa tempo mi renkontis junan maldekstrulon, pri tiu mi ne sentis honton aŭ koleron. Mi esperas, ke li reprezentas la estontecon de la maldekstruloj. Continue reading “Tute-alia Maldekstrulo”