respondo al »Estimata s-ro Latifou Gbadamassi«

Al la artikolo Estimata s-ro Latifou Gbadamassi […] alvenis hodiaŭ en la Facebook-grupo TEJO-BENINO jena respondo:

Saluton kara Andreas,

leginte vian respondon al mia pamfleto, mi nur konkludas, ke vi entrudiĝas en internajn aferojn de la Benina movado. Kiu rajtigis vin administri la retejon «TEJO-BENINO»? Alivorte, kiel-maniere vi, estante maljuna Germano, iĝis administranto de la retejo de la Benina junulara sekcio? Vi publikigis/ -as informojn kaj poste vidis, ke ili estas ne-ĝustaj. Kia kontraŭdiro? Kiu havigis al vi la statuton, kiun mi enŝovis en la retejon?

Viaj diversaj komentarioj kaj publikaĵoj pri la Benina movado estas tiel ĝenaj, ke mi konsilas, eĉ ordonas al vi retiriĝu [ilin]. Nek mi kiel prezidanto de ABeE, landa asocio de UEA en Benino, nek Beninaj esperantistoj havas ion lerni de vi pri la historio de la movado en Benino.

Vi ne bezonis statuton de ABeE por scii, ke BOJE estas vere ĝia junulara sekcio. Ne nur Bernard Gnancadja, iama prezidanto de BOJE, sed ankaŭ kelkaj nunaj estraranoj de la sekcio taŭgas por informi vin. Ĉar ili scias iom pri la historio de BOJE.

Krome, rilate al s-ro Francois Hounsounou, lia fi-agit[ad]o kontraŭ ABeE, ties ĉefa funkciulo mi estis/ -as almenaŭ dekjara afero. Viaj deklaro pri tiu mal-pozitiva konduto fare de li tute ne surprizas min. [La teksto estas iom lingve redaktita – ajp]

1. La grupon de Facebook TEJO-BENINO gvidas ankoraŭ s-ano Bernard GNANCADJA.
2. La prezidanto de BOJE, s-ano Norbert SADOHOUNDE, sendis la statuton por publikigi ĝin.
3. Ĉar mi ne estas membro de ABeE, mi pli-malpli afable rifuzas la ordonon koncerne la artikolojn en la BEJO-retejo.

Facebook-grupo TEJO-BENINO, adminsitrantoj

Advertisements

Cenzuro en Esperantujo

Por ke oni povas ĝuste, trafe decidi, oni devas antaŭe scii faktojn, kondiĉojn, interrilatojn. Eble oni devas krome demandi pri ĉi tio aŭ tio. Ordinara proceduro ekzemple en Svisujo antaŭ ol la civitanoj voĉdonas. Diktatoraj potenculoj male ne ŝatas, ke ordinaruloj scias tro multe; la ordinaruloj povus ekkoni la diktatorecon de la potenculoj. Mi pledas helpi, ke homoj, samideanoj povas laŭ-fakte decidi, por ke ili trovas la plej bonajn solvojn. Sed kelkaj Esperantistoj kontraŭ-diras.

---

La cenzuro akompanas Esperanton ekde ĝia naskiĝo. Marko Zamenhof, patro de la aŭtoro de Esperanto, estis cenzuristo de la Rusa Imperio. Unua Libro de Esperanto bezonis permeson de la cenzuro, tiel-nomatan »bileton por ellasi« ĝin el la presejo; la koncerna permeso pri Unua Libro de Esperanto havas la daton: 14a de Julio 1887.

Dum la unua kongreso, propra, interna cenzuro naskiĝis inter Esperantistoj. »La [kontraŭ-juda – ajp] afero de Dreyfus ekde 1894 multe akrigis ideologiajn konfliktojn en Francujo.« (el Zamenhof, de M. BOULTON, 1962, paĝo 105). Kelkaj organizantoj ne volis aŭdi ĉion, kion Zamenhof volis diri al la ĉeestantoj de la kongreso.

Ĉu anstataŭ demandi tuj ataki? Sufiĉe maldeca konduto!

Latifou GBADAMASSI, prezidanto de ABeE

S-ro Latifou GBADAMASSI, prezidanto de Asocio de Beninaj Esperantistoj (ABeE) disvastigis inter alie jenajn rimarkojn pri mi:

»Fakte, iom antaŭ la Decembra balotado, Andreas J. Penk lerte aliĝis al BOJE […] cele helpi la junularan movadon en Benino, krei[s], sen permeso, retejon por BOJE. Li iĝis la administranto de tiu retejo, en kiu[n] [en]fluas konfuzaj informoj. Li kuraĝigas la nunajn estraranojn de BOJE agadi kontraŭ ABeE. En la retejo, li, anstataŭ movadajn informojn, publikigas plej ofte artikolojn diverstemajn – politiko, sporto, ekonomio, socio ktp – verkitaj de estraranoj de BEA, BOJE kaj kelkaj junaj esperantistoj.«

Ĉu s-ro Latifou GBADAMASSI iam alskribis al mi por demandi min pri siaj supozoj? Ne! Ĉu iu alia estrarano de ABeE demandis min pri mia engaĝo por BOJE? Ne! Estas pli facile disvastigi onidirojn kaj duon-veraĵojn ol demandi iun. Ĉu ĝuste?

Ĉu pli multe da ŝovinismo aŭ pli multe da Zamenhof inter la Beninaj Esperantistoj?

»Se vi rigardas tre malbelan bildon,
kontrolu ĉu ne estas via propra rebrilo.«
(el Afrikaj Proverboj, de Adjévi ADJE)

---

»mortigu ĉiujn blankulojn«, Sudafriko 2018

En Sudafriko kreskas fia malamo kontraŭ Blankulo – kiel ankaŭ aliloke en Afriko. La tempo de karisma Nelson MANDELA tute pasis. La plej multaj gvidantoj de ANC jam tiam ne komprenis lin kaj lian pardonemon. Intertempe la ofte koruptaj politikistoj en Sudafriko perfidas senhonte la politikan heredaĵon de Nelson MANDELA.

Ĉu ĉi tiu profunda malestimo kontraŭ Blankulo bazas sur realaj krimoj dum la apartismo? Ĉu aŭ ĝi fontas el kruda miksaĵo de ŝovinismo (fanatika, troa patriotismo aŭ naciismo) kaj profunda rasismo? Ankaŭ rasismo de negroj kontraŭ Blankulo estas rasismo.

Estimata s-ro Latifou Gbadamassi

Andreas J. Penk

Permesu kelkajn, tute privatajn rimarkojn koncerne vian pamfleton pri BOJE. Vi eble nur estas viktimo de amaso da malĝustaj informoj.

Vi skribas:

»Kun grandega bedaŭro mi informas al vi, ke la nuna estraro de Benina Organiz[aĵ]o de Junaj Esperantistoj, dependa strukturo de Asocio de Beninaj Esperantistoj (ABeE) – aliĝinta asocio al Universala Esperanto Asocio (UEA) – kaŭzis ne-akcepteblan malordon en Benina Esperantujo.«

Vi certe pravas, ke via statuto, do la statuto de ABeE, pretendas, ke BOJE estus junulara sekcio. Sed ankaŭ la statuto de BEA pretendas tion. Per letero de la 17a de Februaro al BEA mi atentigis al ĉi tiu problemo. Ĝis hodiaŭ mi ricevis neniun respondon.

El demando fariĝas ventego

Dossou Joseph SADOHOUNDE

Kion vi atendas post demando? Ĉu respondon? Juna Benina studento spertis ventegon da ofendoj kaj falsadoj de siaj vortoj fare de estrarano de unu el la du landaj asocioj en Benino kaj de reprezentanto de Afrika Komisiono de UEA, post kiam li faris demandon en la Facebook-grupo Benina Esperantista Komunumo.

En Benino estas du landaj asocioj. Ambaŭ asertas, ke ili havas la saman junularan sekcion nomitan BOJE – Benina Organizaĵo de Junaj Esperantistoj. Sed BOJE mem havas propran statuton, kiu dekretas, ke ĝi estas civila asocio. Sufiĉe senorda situacio. Membro de BOJE atentigis al la kontraŭ-diroj kaj proponis komunan estrarkunsidon de landa asocio kaj de BOJE. La landa asocio sed silentis, ĉar oni ne ekkonis la celon de la atentigo, oni vidis nur kritikon. Reprezentanto de Afrika Komisiono parolis eĉ pri atako kontraŭ la landa asocio.